A spiruliña a l’é unna cianta e a no l’à de vitta de conservaçion. A seu temperatua ottimale de crescita pe-o sòlito a va da-i 28 a-i 35 graddi, con 15 graddi e 40 graddi che representan e seu temperatue de crescita minima e mascima, rispettivamente. I çeppi termòfili e rescistenti a-o cado peuan vegnî cortivæ da-i 35 a-i 40 graddi.
O pH ottimale pe-a crescita da spiruliña o l’é 8,3-10,3, e o cresce ancon ben à un pH de 11. E reçerche an nottou che a spiruliña platensis a cresce megio inte l’ægua con unna salinitæ de 20-70 g/L. A spiruliña a l’é unn’æga streitamente fotoautòtrofica, ch’a se basa in sciâ luxe do sô e in sce l’asciorbimento de CO2 da l’ægua pe-a fotoscintexi.
A spiruliña a l’à unna capaçitæ fotoscintetica estremamente erta. Tanto che e ciante ciù erte pe-o sòlito deuvian o 5%-6% da seu energia luminosa, a spiruliña a deuvia o 18% da seu energia luminosa, co-o resultato de unn’effiçensa fotoscintetica do 43%, ciù de træ vòtte quella de cortue tipiche. A spiruliña a cresce e a se reproduxe a-a spedia e a l’é adatta pe-a cortivaçion in sce larga scâ drento e feua inte de regioin ò stagioin despæge. O seu çiclo de crescita o l’é estremamente curto, con un çiclo de crescita normale de 11 oe solo. Se e condiçioin en ottimale, o tasso de proliferaçion ciù spedio o l’é unna vòtta ògni 4 oe.
